LAKBAY PAMANA 2021 | OLD BRIDGES VISITATION

Sa araw ng Sabado, ika-31 ng Hulyo ng kasalukuyan. Bumisita ang grupo ng OST- Tayabas Heritage Group kaisa ang ilang kasapi ng Tayabas Rescue Response Team Inc. sa mga tulay na nasasakupan ng Tayabas- Sariya way, sa kadahilanang biglaang pag papalawak ng daan para sa mga motorista. 

 

Una sa lahat ay ang Tulay ng Gibanga, pumangalawa ang Puente de Don Fransisco de Asis, sumunod ang mga Puenticito de Piit Grande, Puentecito de Piit Pequeño na nasasakupan ng Baranggay Anos. Pati na rin ang Puentecito de Toong, Puentecito de Potol-Chico, Puentecito de Potol-Estrecho, Puentecito de Potol-Grande sa Baranggay Potol. Matapos ang tanghalian ay kagyat na sunod na pinuntahan ang Puente de Isabel II sa bahagi ng Baranggay Maloa-a. Ang Puentecito de Nangca at Puentecito de Baawin sa Baranggay Baguio at ipinang huli ang Puente de Bai na nasasakupan ng Baranggay Dapdap. Sa pag-gunita ng aktibidad na ito ay napag alaman na ang ilan sa pinaka-iingatang makasaysayang mga tulay na naiwan at ipinamana ng ating mga ninuno ay nasa bingit nang pagkasira dahil nga sa ito ay dadaanan ng kasalukuyang road widening project ng DPWH. 

Sa abot ng aming makakaya ay papanatilihin at hindi hahayaang maapektuhan ang ilan sa ating pamana. Patuloy kaming mangangalaga sa mga ito upang manatiling buhay at nagbibigay kasaysayan sa mga tao at sa Lungsod ng Tayabas. Nawa'y sa susunod na pag sasagawa ng ganitong uri ng aktibidad ay kaisa na namin kayo,  Maraming Salamat po!

 

OST - TAYABAS HERITAGE GROUP INCORPORATED

SEC Registration No. CN201908940

#48 Sumilang Subdivision, Barangay Mateuna,

Lungsod ng Tayabas

 

RE      :         KATITIKAN NG PULONG NG OST TAYABAS HERITAGE GROUP INC.  

PETSA:        Ika-20 ng Hulyo, 2021

ORAS :         Ika-10:00-11:30 ng umaga

LUGAR:       Tahanang Bayan ng Lungsod ng Tayabas, Ikalawang Palapag

 

I.    PAMBUNGAD NA PANALANGIN               Kenneth Cabarrubias - Miyembro    

II.  PAMBANSANG AWIT                                Video Presentation                     

III. PAGTAWAG SA MGA DUMALO                          

 

IV.  MGA DUMALO:

      MGA OPISYALES (Board of Trustees)

 

1.     Pabulayan, Michael Vincent                    Tagapangulo

2.     Kiven Wilmer P. Rayel                            Pangalawang Tagapangulo

3.     Mariel O. Mabuting                                 Kalihim

4.     Ian Avegail Buduan                                Myembro ng Konseho

5.     Joshua Magracia                                    Myembro ng Konseho

6.     Alexander Michael Cook                         Sgt at Arms

 

          MGA HINDI NAKADALONG OPISYALES

1.     Jamil Z. Quitlong

2.     Hywell T. Reyes

3.     Freddie D. Orillo – Suspended

4.     Junnie Ryan Marcelo

5.     Koko Pataunia

 

          MGA MIYEMBRONG NAKADALO

6.     John Ernest Aranilla                             

7.     Angela Escosia

8.     Francis Bebida

9.     Princess Khael Ann A. Rodillo

10. Maria Mika Lavado

11. JB Aril

12. Shirven T. Ferreras

13. Jon Jerrick Puertes

14. Jerome Laflores

15. Margem Dadios

16. Moira Bhai Valderamos

17. Jay Eric P. Abar

18. Kenneth Cabarrubias

19. Mikaela Cuevas

20. Maria Angela Marquez

21. Gemareah Reynoso

22. Mheybel P. Cabañas

23. Jericho Pagana

24. Aldwin Castro

25. Irvin Christian S. Francia

26. Luisito Zarsaga

 

V.       PAGBUBUKAS NG PULONG AT PAGTAWAG SA KAAYUSAN NG PULONG

Tinawag ni G. Michael Vincent Pabulayan, Tagapangulo, ang kaayusan ng pulong sa ganap na ika-10:00 ng umaga.

 

VI.     PAGPAPATIBAY SA KATITIKAN NG NAGDAANG PULONG

Pagbasa sa katitikan ng nagdaang pulong at wala nang naiwang usapin.

 

VII.   PAGTALAKAY SA MGA ADYENDA

1. LIBRO NI JUAN ALVAREZ GUERRA UKOL SA KANIYANG PAGLALAKBAY SA BAYAN NG TAYABAS AT ANG MAPANG BINABALAK GAWIN GAMIT ANG KWENTO SA LIBRO (TRAVEL ROUTE MAP).

 

Sa pagsisimula ng pulong nagpresenta ang tagapangulo at kalihim ng grupo ukol sa libro ni Juan Alvarez Guerra, ang pamagat nito ay “From Manila to Tayabas”. Ang librong ito ay naglalaman ng mga kwento sa paglalakbay ng awtor sa Bayan ng Tayabas noong panahon ng Espanyol. Tinutukoy rito ang itsura ng Tayabas noong una. Nilalayon ng grupo na makabuo ng isang mapa sa pamamagitan ng libro, maipakita sa pamamagitan ng mapa ang mga nabanggit na kinaroroonan ng mga lugar sa kwento at makabuo ng isang guhit na magrerepresenta sa Tayabas noong panahong Espanyol.

 

Sa pagpapatuloy ng pulong napag-usapan na maaring humanap ng iba pang organisasyon o tao na maaring makatulong sa gagawing proyekto. Ang mga nabanggit na mga grupo tao ay:

·       SICAT

·       Luis Palad Historical Society

·       Lucban Historical Society

·       Sariaya Heritage Council, Inc.

·       G. Mark Anthony Glorioso

Napag-usapan naman na uunahin munang mabasa ang nilalaman ng libro upang maging pamilyar ang lahat sa mga kwento at napuntahan ng awtor noon, bibigyan ng kopya ng nasabing libro ang bawat miyembro upang masimula naring maimapa ito ng paunti-unti para sa susunod na mga pulong ay makakapagbabahagi ang bawat isa sa binabalak na mapa o travel route map.

 

2. THEATER WORKSHOP (SINING TAYABASIN)

Nagpresenta si Keissy Rayel, Tagapangulo ng grupo, ng mga dulang kanilang nagawa noong nag-oorganisa pa sila ng teatro. Naibahagi niya ang mga pamagat ng kanila nang nagawa o naisadula. Sinabi rin niya na ang teatro ay talaga namang parte na ng kultura ng mga Tayabasin. Binahagi niya na binabalak na magkaroon ng isang theater workshop sa Tayabas at papangasiwaan ito ng Sining Tayabasin. Kaugnay nito ay binabalak na ang miyembro ng OST-THGI na interesado sa pag-arte ay makilahok rito. Ang gagawing pagsasanay ay magsisimula sa Septembre ng taong kasalukyan.

 

Ang pagsasanay na ito ay naglalayong mahasa ang miyembro sa ibang aktibidad na kaugnay sa Sining ng pag-arte, pati na rin sa pagproproduksyon o teknikal na gawain sa pagoorganisa ng teatro. Ang mga sasailalim sa pagsasanay ay maaring makapagpalabas ng programa kaugnay sa darating na anibersaryo ng grupo sa Nobyembre. Nabanghit rin na maari itong gawing lagiang aktibidad at magorganisa ang grupo ng mga dula na ipapalabas upang magkaroon ng pagkakakitaan ang mga actor na miyembro, ang pamamaraan na ito ay tinatawag na income generated activity.

 

 

3. IKA-5 TAONG ANIBERSARYO NG OST-THG INC.

Pahapyaw na napag-usapan ang darating na ika-5 anibersayo ng grupo. Nabanggit rito ang maaring maging aktibidad tulad ng photography contest para sa mga miyembro na ang tema pagseselfie sa pamanang lugar rito sa Tayabas at ito'y bibigyan ng caption. Isa pang nabanggit ay ang gagawing taunang pagpili ng mga huwarang miyembro ng organisasyon o ang most outstanding member award, dito ay nakakatanggap ang mga miyembrong pararangalan ng regalo at sertipiko. Ang huling napag-usapan ay ang pag-oorganisa ng mga aktibidad na katuwang ang ang ibang organisasyon, ito ay pag-uusapan pa sa mga susunod na pagpupulong.

 

4.  TAYABAS HERITAGE AT RISK

Nagpresenta ang Tagapangulo ng mga posibleng paraan upang mapanatili ang mga pamanang estruktura sa daang Tayabas-Sariaya na sa kasalukuyan ay nagsasagawa ng road widening project ang pamunuan ng DPWH. Ipinakita sa presentasyon ang mga plano na maaring gamitin sa pagsasalba, isa rito ay panatilihin ang itsura ng mga tulay, lalaktawan ang pagkonstrusyon nito, ang mga kalye ay palalawakin ngunit ang mga tulay ay ndi gagalawin bagkos ay idadaait lamang ang mga kalye dito.

 

VI. IBA PANG NAPAG-USAPAN

·       PAGBISITA SA MGA ADOBENG TULAY NA NALOLOOBAN NG TAYABAS

 

Binabalak ng grupo na bisitahin ang mga tulay na bato sa bayan ng Tayabas. Napag-usapan ang iskedyul nito na gagawin sa mga susunod na sabado at lingo kung saan makakasama ang nakakarami. Ang eksaktong araw ng pagbisita ay iaanunsiyo na lang sa messenger group upang isaalang-alang ang iba pang magiging balakid sa pagbisita tulad ng sasakyan. Ang aktibidad na ito ay nilalayon na pisikal na makita at makilala ng bawat miyembro ang mga adobeng tulay na mayroon ang bayan ng Tayabas. Isa rin itong paraan upang mas lalo pang mapalapit ang grupo sa mga ginagawang pangangalaga sa antigong tulay na ginawa pa noong panahon ng Espanyol.

 

VII. PAGTITINDIG NG PULONG

     Dahil wala nang ibang pag-uusapan, itinindig ang pulong sa ganap na ika-11:30 ng umaga sa pagmumungkahi ni G. Joshua Magracia at pinangalwahan ni G. Ernest Aranilla.

Inihanda ni:            

                                                                       

MARIEL O. MABUTING   

Kalihim                  

 

                                                                      Sinang-ayunan ni:

                             

                                                                      MICHAEL VINCENT L. PABULAYAN

                                                                      Tagapangulo

CIRIACO ABAR AT ANG BAYANI NG TAAW

Ciriaco Abar. Isang mayamang taga-Alupay sa bayan ng Tayabas ang nagpamalas ng kabaitan at pagiging makabayan at naging bahagi ng kasaysayan ng Tayabas. Siya ay naging kapitan ng Barangay Alupay o Cabeza de Barangay. Mas kilala siya sa tawag na Kabesang Diako. Noong Septembre 1, 1897 panahon ng rebelyong Taaw ay sa kaniyang mansyon sinasabing tumuloy upang kumain, mamahinga at magpulong ang mga rebolusyunaryong nagbuhat sa Bundok ng Taaw bago sila lumusob at mag[1]alsa laban sa Kastilang pamahalaan.

Ang tahanan ni Kabesang Diako o Ciriaco Abar ang pinakamalaking bahay noon sa barangay Alupay. Ang pagigi niyang maykaya sa buhay ang isa sa mga dahilan upang siya ay maluklok bilang kapitan ng lugar subalit higit pa doon ang kanyang katangian bilang namumuno. Ang kaniyang pagiging makabayan at matulungin sa kapwa ay nagpatibay sa kaniyang pagka-Cabeza o pinuno ng Barangay Alupay. Bilang Cabeza de Barangay ay nagbigay siya ng suportang pagkain at pinansyal sa mga katipunero. Noong mga panahon na iyon hindi niya alintana ang panganib ng kaniyang pagtulong sa mga rebolusyunaryo. Ang tangi niyang pinairal ay ang pagiging makabayan, makatao at matalik na kaibigan ng noo’y namumuno sa rebelyon na si Heneral Mariano Jardiniano na kagaya ni Ciriaco Abar ay taga-Alupay.

Mula sa pananaliksik ni M. Mabuting/OST THG Member

Puente de Alitao: An Urban Community Bridge

If the town of Tayabas was a castle surrounded by a moat, Puente de Alitao would be its drawbridge, connecting it to one of the roads to Lucena. Puente de Alitao spreads low above the Alitao River and was originally built as a wooden bridge in 1798 by Don Jose Medio. In 1823, it was rebuilt as a 253 stone bridge by Don Diego Urbano. Puente de Alitao is a charming structure flanked by a barangay park on one side, and the rushing waters of Alitao on the other side.

Through the years, however, legal battles and population growth have taken their toll on the picturesque environs of the bridge. Informal settlers have constructed their homes at the easement of the riverbanks, a situation that many urbanized and urbanizing localities in the Philippines have to deal with.

Beneath Alitao’s arches, sometimes local women do their laundry amidst the huge boulders that have been brought by the power of water rushing down from Mt. Banahaw. These women (and some men and children) are fortunate to have a continuous supply of free water and to live amidst the beauty of nature. This would not be a big problem if they were able to live in harmony with the environment. Harsh detergents, bleach and other household waste now pollute the once pristine waters of Alitao River, and even if they do not as yet feel the effects, it is quite possible that downstream there are already impacts of these urban (mal)practices. 

As per Juan Alvarez Guerra:

"After passing the tubiganes or irrigated fields, cultivated in tiers which are planted to rice we saw on the other side big flocks of white herons.

Then we descended into the craggy hill of Despedidas, whose foot touches a rivulet and over there is seated the bridge of that name which was given, according to my research and finding, because it was the place designated by custom to bid goodbye and to send off those who would leave Tayabas. How tender the scenes must have been for the people of Tayabas bidding von voyage to those who were to leave their place! How much tears must have been absorbed by its warm sand! How many fugacious promises may have been witness to such parting!

Source: J.M. Pedrano, 1985: From Manila to Tayabas; A translation of the Book in Spanish- De Manila A Tayabas por Juan Alvarez Guerra.

 

123rd INDEPENDENCE DAY CELEBRATION

OFFICIAL STATEMENT

June 12, 2021

Tulad kung paano hinarap ng mandirigmang Pilipino ang hirap at sakripisyo, pagsasakripisyo ng buhay para makamtam ang Kalayaan ng bansang matagal na nalugmok mula sa pagkaka alipin. Ang Tulay ng Malagonlong ang isa sa mga nagsilibing piping saksi sa mga bagay na naganap sa mga nagdaang panahon. Bagamat walang kakayahang maglabas ng sentiment, nanatili s’yang matatag na simbolismo ng kayamanan, katatagan at kalayaan. Nanatiling matatag – hinaharap ang lakas ng agos sa panahong naghihimagsik ang tubig.

Sa pagdiriwang ng Araw ng Kalayaan, nawa ay alalahanin natin kung paano iwinagayway ang watawat ng pilipinas at kwento sa likod bawat pag indayog ng telang may apat na kulay. Alalahanin natin ang lahat ng sakripisyo at nawa’y hindi natin sayangin ang lahat ng ito lalo na sa panahong unti unti nanamn tayong sinusubok ng kolonyalismo. 

Ngayon, ika -12 ng Hunyo taong 2021, ang OPLAN SAGIP TULAY – TAYABAS HERITAGE GROUP ay nakikiisa sa pagdiriwang ng ating ARAW NG KALAYAAN. 

Isang mapagpalayang araw po sa ating lahat. 

#RaisedOurFlag 

#PilipinasKongMahal

 

SANTAKRUZAN SA IBABANG PALALE: CELEBRA 2021

Ang ritwal ng Santakrusan o Awit sa Dalit ay isinasagawa tuwing buwan ng Mayo taon-taon sa ibat-ibang linang sa bayan ng Tayabas. Ito ay paawit na isinasalaysay ang kwento ng paghahanap ni Santa Elena at ng kanyang anak na si Contantino sa Krus na kinamatayan ni Hesus. Sinisimulan ang ritwal tuwing ika-3 ng Mayo sa bahay ng kabisilya at magtatapos tuwing ika-huling biyernes ng nasabing buwan, ang huling gabi ay tinatawag na Celebra (salitang espanyol na ibig sabihin ay ipagdiwang).

          Nitong Mayo 28, 2021, biyernes, huling araw ng Santakrusan sa Brgy. Ibabang Palale ay dumalo ang grupo ng OST-Tayabas Heritage Group Inc. upang masaksihan at makiisa sa isinasagawang ritwal ng Santakrusan sa lugar. Ang ritwal na ito o ang Celebra ay sinimulan ng araw na iyon sa ganap na ika-3 ng hapon at natapos ng ika-5 ng umaga ng sumunod na araw, Mayo 29, 2021. Nagsimula ito sa unang balwarte na gawa sa kawayan, may mga pinta ng kurus, santo at santa, sa kalye patungong kapilya ng Our Lady of Visitation Parish,Brgy. Ibabang Palale. Ang disenyo nito ay iwinangis sa kapilya. Pinamunuan ni Gng. Tomasa Llaneta (Aling Toma) ang awit at pagtugtog naman kay G. Isabelo Cabuyao (Mang Beloy) gamit ang kaniyang gitara.

          Ang libro ng Celebra ay naglalaman ng sampung bahagi na siyang isinasalaysay ng paawit sa buong ritwal. Pupunuan ito sa emprenta ng libro o ang pinagmulan ng kwento na isasalaysay (history). Ang mga nagsidalo sa Celebra ay paawit na tutugon sa poga na ituturan ng namumuno, ang mga tinutugon ay magmumula sa emprentang libro na kanilang hawak.  Sunod dito ay ang Susi ng libro, kwento ng susing pinanday upang mabuksan ang mahiwagang librong nakita sa kabundukan. Sunod naman ay ang Binyag sa Roma, tungkol ito sa pagbibinyag ng mga Obispo sa boong Emperio ng Roma at talambuhay ni Santa Elena at pagsilang ng kaniyang anak na si Constantino. Ang ika-apat na bahagi ay ang Celebra de Puerto 3 Balwarte, sa bahaging ito lumilipat na ang mga nagsisispagdalit sa pangalawang balwarte, ang ikalawang barwarte ay isinunod naman sa disenyo ng kumbento na katabi ng kapilya. Sunod ay ang pagpuri sa tatlong balon, dito’y dinadasalan nila ang mga balon na umaapaw sa dami ng tubig. Sa aktuwal na awit sa dalit ang magsisilbing balon na siyang dadasalan ay ang mga batangan sa harapan ng kumbento. Ang kasunod nito ay ang Verso Capitolo, ang wika ng Reynang Mahal kung saan ay iniutos ng reyna na pagalingin ang matandang pipi. Ang ika-pitong bahagi ay ang pagtitibag at puri sa Tatlong Crus at ang pagsayaw ng Harigading. Ang bahaging ito ay isinasalaysay ang pagkakita ng kurus na kinamatyan ni Hesus na nasa ilalim ng kinatitirikan ng simbahan, ito’y dinasalan at sila’y nagdiwang at nagpapuri sa pagkakita ng krus sa pamamagitan ng pagsayaw ng buong galang sa harapan ng krus. Ang pagsasayaw na ito ay sinasabayan ng awiting harigading habang umiindak ang kanilang mga paa at sinasabayan ng kumpas ng kanilang mga sambalilo. Ang sumunod naman dito ay ang pagbubukas ng Cortina o ang pagdadala ng krus na namataan pababa sa kabundukan upang dalhin sa kabayanan. Ika-9 na bahagi ay ang pag-aatang at pag-iestasyon, ang bahaging ito ay nagsasalaysay sa pag-aatang sa kurus upang ilibot sa kabahayan, dasalan at papurihan ng mga Santo at Santa. Ang huling bahagi ay ang pagpupundar, pagtatayo ng Ermitang paglalagyan ng krus na kinamatayan ni Hesus. Ang huling bahagi ng ritwal ay nakalipat na sa loob ng simbahan ng Our Lady of Visitation Parish, natapos ito ng bandang ala-5 ng umaga.

          Sa pagtatapos ng ritwal hindi alintana ng mga nagsidalo ang puyat at pagod, pagkalabas ng simbahan ang mga ito ay masigla at muli pang nagsayaw ng Harigading tanda ng pasasalamat sa mga biyayang ibinigay ng maykapal at kanilang tinatamasa mula noon hanggang sa kasalukuyan.