Opisyal na pahayag ng OST Tayabas Heritage Group Inc. hinggil sa iba’t ibang isyung patungkol sa yamang kultural ng Tayabas

 

OST - TAYABAS HERITAGE GROUP INCORPORATED

SEC Registration No. CN201908940

Local Accreditation – SP Resolution No. 19-123

#48 Sumilang Subdivision, Barangay Mateuna,

City of Tayabas

 

Opisyal na Pahayag

Opisyal na pahayag ng OST Tayabas Heritage Group Inc. hinggil sa iba’t ibang isyung patungkol sa yamang kultural ng Tayabas

Kaisa niyo kami sa patuloy na pag-iingat, pangangalaga at pagpapanatili ng ating mga Yamang Kultural ng Tayabas. Ikinalulungkot din naming ang kinahinatnan ng Puente de Baguio sa bahagi ng Barangay Baguio, Lungsod ng Tayabas na sa ngayon ay di na makikita  ang ibabang bahagi ng naturang tulay ngunit pasalamat parin tayo dahil naisalba ang ilayang bahagi ng tulay kung saan makikita padin ang arko ng lumang tulay.

Kami po sa organisasyon, ay naniniwalang ibinigay naming ang aming makakaya upang maisalba ang mga ito kagaya ng ginawa naming pakikipag negosasyon sa mga tulay ng Gibanga at Prinsesa kung saan naiparating natin ang pagtutol hanggang sa tanggapan ni G. Mark Villar, Secretary ng DPWH. Katuwang po natin dito ang ibat ibang organisasyon at ahensya upang kahit papaano ay may matira pa sa mga pamana istruktura. Sa bahagi ng Puente de Mate at Puente De Isabel naman ay isa tayo sa nagpatupad ng load limitation at ang pagpapabantay sa mga tulay na ito upang mapatagal pa ang buhay nito.

Patungkol sa Tulay ng Malaoa o Puente de Isabel II, may nauna napo kaming impormasyon na parallel bridge at ilalayo po ito sa lumang tulay, ito ay bunga ng aming pangungulit at liham patungkol sa paglalaan ng pondo upang maipagawa na ang panibagong tulay at hindi ipapatong o ididikit sa mismong lumang Tulay. Ito po ay sama-sama nating antabayan kung tutupad po sila sa napag-usapan.

Sa isyu po ng ating pampublikong sementeryo, nakausap po mismo ang OIC-Officer (sa katauhan ni Bb. Jerdylen Tabi) ng ating sementeryo at ayon sa kaniya ay ang pagtatanggal ng mga nitso ay dahilan sa desisyon ng mga mismong kaanak nito at inililipat sa pampribadong sementeryo. Hinihintay pa po namin ang deklarasyon ng Pambansang Museo na magpapatotoo hinggil sa unang napaulat na ito ay isa ng National Cultural Treasure. Sa pagkakataong ito ay mas madali natin itong maiisaayos at mapapangalagaan. Alam po ito ng ating mga kasamahan sa Pamana na kung Heritage Act of 2009 o local na ordinansa lang ang ating kakapitan ay di ito sapat upang mapigilan ang sino mang may masamang pagtatangka o ahensyang may planong sirain ito. Sa pamamagitan ng isang deklarado ng pambansang ahensya ay makukuha natin ang atensyon nila at makakatuwang sa bawat laban para sa Pamana. Sinusuportahan po natin dito si G. Ryan Palad at ang grupo ng ATAGAN bilang ating pangunahin at tinitingalang samahan sa mga aksyon at pagpupursigi na maipadeklare ang iba pang natitirang yamang kultural kagaya ng ating mga krus na bato, simbahan at mga lumang gusali at maliliit na tulay kagaya ng Puente de Baguio.

Ipinapayo po naming na sana ay magkaroon ng isang totoo at aktibong komitiba o samahan mula sa bahagi ng mga kasamahan natin sa Heritage at Historical groups,  representante mula sa local na pamahalaan ng Tayabas, representante mula sa DPWH District 1, representate mula sa Lokal na Tanggapan ng Engineering at Building Official na siyang tututok mula palang sa impormasyon mula sa paglalaan ng pondo na maaapektuhan ang mga yamang kultural ng Tayabas.  Kung saan una palang ay maiitama na ang plano at ang pondo na naaayon sa pangangalaga ng mga ito. Sa bahagi ng mga lumang bahay na naisama namin sa aming ginawang Cultural Mapping ay magkaroon ang mga ito ng isang samahan kung saan may mga representante at namumuno upang maiparating sa ating local na pamahalaan ang mapagkakasunduan upang mapanatili nila at mapanatili ang mga ito. Siguro ay maihalintulad natin ang Sistema sa bahagi ng Bayan ng Pili, Laguna, Bayan ng Taal, Batangas, Lungsod ng Vigan kung saan kung may mga pagbabagong gagawin at pagsasaayos ay nangangailangan muna ng pahintulot sa local na pamahalaan para maiwasan ang bigla nalang pagkasira. Bilang ganti ay dapat naman sigurong mabigyan ng ibat-ibang insentibo o prebilihiyo bilang pabuya at pakikibahagi sa kanilang ambag upang mapanatili ang mga strukturang ito. Diko alam kung paano ito maiisakatuparan ngunit sa tulong niyo, sa tulong ng ating mga ginagalang na sanggunian ay atin itong makakamtam. Mahalaga din siguro maiparating sa mga nagmamay-ari ng mga lumang struktura na ito ang kahalagahan nito sa ating lipunan, dahil sa tingin po naming ay kulang lang sila sa impormasyon. Karamihan sa kanila walang panggastos sa pangpapaayos na kagaya ng luma dahil sa panahon ngayon mas magastos pa ang magrestore  kaysa magtayo ng bagong istruktura.

 

Hindi po tayo magkakalaban dito, iisa po ang ating hangarin at adhikain kung kaya’t hinihiling kopo sa inyo lahat ang panawagan ng pagkakaisa at pagtutulungan upang maisakatuparan po natin ang ating misyon at bisyon bilang isang tunay na Heritage Advocates’. Kaisa niyo po kami sa inyong adbokasiya.

 

Maraming Salamat Kapamana!!!

SI PADRE MARIANO GRANJA AT ANG PAGHIWALAY NG LUCEBA SA BAYAN NG TAYABAS NOONG 1879

 Hi Kapamana, 

You are invited to a Zoom meeting. 

When: Nov 7, 2020 02:00 PM Taipei 

Kaalinsabay ng pagdiriwang ng ika apat na taong pagkakatag ng samahan, Oplan Sagip Tulay – Tayabas Heritage Group Inc, muli nating sasariwain ang panahon, kaganapan, at mga ilang rason kong bakit humiwalay ang Bayan ng Lucena sa Bayan ng Tayabas. Partikular ang mga bagay na nabago at kailangang baguhin sa paghiwalay ng nasabing bayan 

Makasama natin sa talakayan si Ginoong Mark Anthony GLorioso, kasalukuyan NHCP Shrine Curator sa Museo ni Jesse Robredo at Facebook Administrator ng Tayabas Historical Culture.

Register in advance for this meeting:

https://us02web.zoom.us/meeting/register/tZIld-isqDMrHd25dh47W9cykjQ1sMFhirGH 

After registering, you will receive a confirmation email containing information about joining the meeting.

OINAGMUKAN NG PUTAHING DOÑA AURORA NG TAYABAS

PINAGMULAN NG PUTAHING DOÑA AURORA 

ayon sa kwento ni G. Necias Pataunia

isang sosyolohista at historyador

Ayon kay Ginoong Necias Pataunia, isang kilalang local historian at sociologist ng ating lungsod, nagsimula ito noong taong 1948 ng magkaroon ng miraculous glowing of the cross sa simbahan ng Basilica Minor De San Michael Archangel,  matapos ang digmaan; totoo man daw o hindi, naniniwala ang mga Tayabasin na nangyari ito, bagsak na bagsak ang bayan ng Tayabas noon dahil halos lahat ay naapektuhan at ang mga lumang bahay ay nagiba at naguho. Noong mga panahong iyon ay dahil sa hirap at panlulumo sa nangyare, naghahanap ng milagro at umaasang mababago ang buhay at makakabangong muli sa pagkarugmok na dulot ng digmaan. Kung saan dahil sa pangyayaring nagkaroon ng tila isang milagro na nagkaroon ng miraculous glowing sa krus ng simbahan, marami din sa mga karatig bayan o probinsya ay nagtungo dito upang saksihan kung magaganap muli ang di inaasahang pangyayari dahil kagaya ng ating mga kababayan noong mga panahong iyon ay umaasa din ng milagro, at isa na nga dito si Donya Aurora Quezon (asawa ni dating Pangulong Manuel L. Quezon) at tinungo niya ang lugar ng mga Lagar (sa may bahagi ng dakilang sulok) kung saan malapit sa naturang krus na nagmilagro upang personal na masaksihan. Habang siya ay namalagi sa naturang lugar, dahil ang Tayabasin ay maganda ang pagtanggap sa mga panauhin at hindi lang basta panauhin dahil si Doña Aurora yan, kaya ilan sa mga kusinerong Tayabasin ay nagpamalas ng kani-kanilang galing at especialty kung saan isa ngang Tayabasin ang nagserve ng bagong putahe kung saan gawa mula sa itlog na initlugan at initlugan muli ayon kay G. Pataunia, na noon lang sa okasyong yun nakita at inihain sa pinaka espesyal na salu-salo kasama si Doña Aurora, dahil dito bilang pagkilala, ito ay ipinangalan at hinango mula sa pangalan ni Doña Aurora, isang putahe na dati’y matitikman mo lamang sa mga magarbong handaan. Ngayon ay makikita mona ito sa ibat ibang karinderya at restaurant sa lalawigan ngunit pinaniniwalaang nagmula ito sa ating bayan, isang pamanang hanggang sa ngayon ay maipagmamalaki mo. Sino ng aba naman ang aayaw sa lutuing ito, lalo na kung malalaman mong ditto pala sa Tayabas ito nagmula, totoo man o hindi, may mga kwentong tulad nito na magpapasalin salin sa bawat henerasyon.

- Pabulayan, 2019