SULIT BA ANG MOTHER'S WONDERLAND? ISANG PERSONAL NA KARANASAN

SULIT BA ANG MOTHER'S WONDERLAND? ISANG PERSONAL NA KARANASAN

Simula nang magbukas ang Mother's Wonderland, marami ang nag-aalinlangan dahil sa medyo mataas na entrance fee. Ngunit batay sa aming karanasan, masasabi naming sulit na sulit ang halaga. Mula pa lamang sa entrance, sasalubong sa inyo ang mga ngiti at magalang na pagbati ng mga well-trained na staff at crew, na agad na nagpaparamdam ng init ng pagtanggap.

Sa pagpasok, ang entrance fee na babayaran ay 950.00 peso bilang kanilang promo price. Ngunit awtomatiko kayong magiging miyembro ng kanilang Club 500. Sa susunod ninyong pagbisita, PHP 500 na lamang ang babayaran ninyo, at ito pa ay "consumable" o magagamit sa pagbili ng pagkain at inumin sa loob ng park – tinatawag nilang "Wonder Money."

Sumakay kami sa kanilang golf cart patungo sa Gat Gubat area, isa sa pitong "wonders" ng theme park. Dito, naranasan namin ang zipline – kahit hindi gaano kahaba, sulit pa rin ang experience. Nariyan din ang kakaibang spider web sky bed kung saan pwedeng magpahinga at magpakuha ng litrato. Mayroong din affordable meals sa kalapit na area, at ang Severianas Cafe kung saan pwedeng mag-chill habang nagkakape at nagkukuwentuhan kasama ang mga kaibigan at pamilya.

Ang Gypys Village naman ay puno ng mga nakakatuwang at Instagrammable na bahay, kasama na ang tree house, the Portal, isang whimsical gazebo, isang payapang Zen garden, at mga estatwa tulad ng Buddha at ang "Alindog" statue na may nakahigang imahe ng isang babae. Dito rin naranasan naming maglakad sa skywalk at hanging bridge, na nag-aalok ng napakagandang tanawin ng mga puno at ng mga atraksyon sa ibaba.

Sa Gat Gubat area pa lamang, isang oras na ang lumipas dahil sa sobrang ganda at sa pagnanais naming sulitin ang oras kasama ang aming mga kaibigan at pamilya.

Ito ang hangarin ng mga may-ari ng Mother's Wonderland: palakasin ang family bonding habang ninanamnam ang kagandahan ng kalikasan, gaya ng kanilang tagline: "Come home to nature, visit Mother's Wonderland." Higit pa sa isang theme park, ang Mother's Wonderland ay isang lugar na nagpapalapit sa inyo sa kalikasan at sa inyong mga mahal sa buhay. Ang dating pag-aalinlangan dahil sa presyo ay napalitan ng kasiyahan at pagkamangha sa aming pagbisita.

Panigurado kami na babalik ka talaga kaya Tara na sa Mother's Wonderland. 

LUMALALANG KASO NG ILEGAL NA PAGMAMAY-ARI NG LUPA SA MGA PROTECTED AREAS

Ang Pilipinas ay mayaman sa likas na yaman, mula sa malawak na karagatan hanggang sa matataas na bundok. Ngunit ang mga kayamanan na ito ay patuloy na nanganganib dahil sa lumalalang kaso ng ilegal na pagmamay-ari ng lupa sa mga protected areas.

Ang mga protected areas, gaya ng mga Dagatan, Bundok Banahaw, at iba pang lugar na protektado ng batas pangkalikasan, ay pag-aari ng pamahalaan. Ang mga ito ay idineklara bilang mga lugar na dapat pangalagaan para sa kapakanan ng mga susunod na henerasyon. Ngunit sa kabila ng mga batas na nagbabawal sa pribadong pagmamay-ari ng mga lugar na ito, patuloy pa rin ang paglaganap ng ilegal na pagmamay-ari.

Ang mga dahilan ng ilegal na pagmamay-ari ng lupa sa mga protected areas ay marami:

- Kawalan ng mahigpit na pagpapatupad ng batas: Ang kakulangan ng mga tauhan at pondo ng mga ahensya ng pamahalaan na responsable sa pagpapatupad ng batas ay nagiging dahilan upang makalusot ang mga illegal na aktibidad.

- Korapsyon: Ang ilang mga opisyal ng pamahalaan ay sangkot sa mga ilegal na gawain, na nagpapahintulot sa mga indibidwal na magkaroon ng ilegal na pagmamay-ari ng lupa.

- Kawalan ng kamalayan: Maraming mga tao ang hindi alam ang kahalagahan ng mga protected areas at ang batas na nagbabawal sa pagmamay-ari ng mga ito.

 

Ang epekto ng ilegal na pagmamay-ari ng lupa sa mga protected areas ay malaki:

- Pagkasira ng kalikasan: Ang mga ilegal na aktibidad gaya ng pagtotroso, pagmimina, at pagtatayo ng mga imprastraktura ay nagdudulot ng pagkasira ng mga kagubatan, karagatan, at iba pang likas na yaman.

- Pagkawala ng biodiversity: Ang pagkasira ng mga protected areas ay nagreresulta sa pagkawala ng mga halaman at hayop na naninirahan sa mga ito.

- Pagbabago ng klima: Ang pagkasira ng mga kagubatan ay nagdudulot ng pagtaas ng emisyon ng carbon dioxide, na nag-aambag sa pagbabago ng klima.

 

Ang paglutas sa problema ng ilegal na pagmamay-ari ng lupa sa mga protected areas ay nangangailangan ng isang multi-sektoral na pagsisikap. Narito ang ilang mga hakbang na maaaring gawin:

- Pagpapalakas ng pagpapatupad ng batas: Dapat palakasin ang mga ahensya ng pamahalaan na responsable sa pagpapatupad ng batas at bigyan sila ng sapat na tauhan at pondo.

- Paglaban sa korapsyon: Dapat labanan ang korapsyon sa lahat ng antas ng pamahalaan.

- Pagpapalaganap ng kamalayan: Dapat palaganapin ang kamalayan sa kahalagahan ng mga protected areas at ang batas na nagbabawal sa pagmamay-ari ng mga ito.

- Pagsasama-sama ng mga mamamayan: Dapat isama ang mga mamamayan sa pagpaplano at pagpapatupad ng mga programa sa pangangalaga ng kalikasan.

 

Ang pagprotekta sa ating mga protected areas ay responsibilidad ng bawat isa. Dapat nating suportahan ang mga programa ng pamahalaan na naglalayong sugpuin ang ilegal na pagmamay-ari ng lupa at pangalagaan ang ating mga likas na yaman.

Two landmark laws were enacted for the establishment and management of protected areas: Republic Act No 7586 or the National Integrated Protected Areas System Act of 1992 and Republic Act No 11038 or the Expanded National Integrated Protected Areas System (E-NIPAS) Act of 2018.

KWENTO SA LIKOD NG GUERILLA MONUMENT

Ang Monumento ng mga Gerilya na matatagpuan malapit sa Tulay ng Alitao o mas kilala sa tawag na rotonda.

Tinatayang itinayo ito noong 1968 sa panahon ni Mayor Carmelo Carillo Nadera. Ayon kay Sir Conrado Jalla Padua, Editor-in-Chief ng Pulot-Pukyutan ang opisyal na pahayagan ng Lungsod ng Tayabas, matatagpuan dati ang monumento ni Andres Bonifacio na may hawak na bandera dito mismo sa kinatatayuan ng monumentong ito ngunit ito ay tinanggal at pinalitan .

Pinalitan ito ng monumento ng Guerrilla sapagkat ninanais ng mga myembro ng gerilyang Tayabasin na mas makilala ang samahan nila at sa paningin ng mga guerilla ay walang kinalaman at hindi taga dito si Bonifacio sa Tayabas at noon ay wala pa ang mga grupo na kampi kay Bonifacio kaya walang tumutol sa pagtanggal ng monument ni Bonifacio dito.

Ipinag-utos ng dating Punong Bayan Kgg.Carmelo Nadera kay Mario Egamino na noon ay isang Municipal Planning and Development Coordinator (MPDC) na itayo ang monumento ng Guerrilla.

Noon ayon kay Sir Mario Egamino, iminukha niya sa kanya ang hitsura ng ngayon ay monumento ng Guerrilla sapagkat hindi niya alam kung kanino iwawangis ang monumento.